Членот на Куманово, Давид Димевски, го доби признанието за најкорисен играч, односно МВП на шестото коло од суперлигашкиот плеј-оф/аут.
Младинскиот репрезентативец беше меѓу најдобрите поединци во триумфот против Радовиш, а освен што погодуваше, зад своето име запиша и неколку асистенции.
Димевски, кој имаше голем конкурент во Димитар Узунчев од Бутел Скопје, освои 37% од гласовите на анкетата, додека Узунчев имаше 30% од гласовите.
Номинирани за МВП на шестото коло од плеј-оф/аут фазата беа уште Дејан Манасков, Александар Стојков, Александар Стојаноски, Мартин Ивановски и Милан Лазаревски.
