На четвртото издание на меморијалниот турнир „Крсте Андоновски“ што ќе се одржи од 19 до 23 август, потврдено е учеството на осум екипи.
Покрај домаќинот Охрид, претставници од Македонија ќе бидат двата најдобри клуба – Еурофарм Пелистер и Вардар.
Од странските екипи, како и лани доаѓаат српските екипи Партизан и Динамо Панчево, но и хрватскиот Нексе Нашице.
Овие три екипи се борат за титулите во Србија и Хрватска, а покрај езерото ќе дојде и АЕК Атина, кој е финалист на Европскиот Куп, но и финалист на плеј-офот во Грција.
Покрај балканските екипи, скандинавски шмек на турнирот ќе му даде и шампионот на Фарски Острови, тимот на Киндил Торшавн.
Групите ќе бидат извлечени на 9 мај, па ќе биде официјализиран и распоредот на натпреварите на турнирот, a трофејот ќе го брани екипата на Вардар.
