Македонската репрезентативка Моника Јанеска Килдан беше меѓу најзаслужните за двојната победа на нејзиниот Трабзон Ортахисар во турскиот шампионат.
Во разигрувањето за пласман од 5 до 8 место, Трабзон славеше на два пати против Јенимале и сега ќе игра за петтото место што води во Европа.
На првата средба беше 40-30 за Трабзон, а Јанеска беше втор стрелец во победничкиот тим со седум погодоци.
Вториот натпревар го доби исто така Трабзон со 37-31 и со 2-0 во победи го елиминира Јенимале.
На овој дуел, македонската репрезентативка беше најдобра на теренот и постигна осум гола во противничката мрежа.
