Екипата на Пролет во натпревар од 21. коло од Супер лигата славеше над Радовиш со 23:19.
По завршувањето од регуларниот дел од првенството, двете екипи ќе се преселат во плеј-аут фазата.
Домаќините до победата дојдоа со цврстата одбрана која им беше заштитен знак и одличната игра во вториот дел.
Пролет водеше во речиси целиот прв дел, но гостите од Радовиш се изборија за нерешено на паузата, 11:11.
Двете екипи имаа свои моменти во вторите 30 минути, а подобро се снајдоа избраниците на Матлиески.
Победничката екипа беше предводена од Стефан Атанасовски и Александар Василевски, двајцата имаа по пет погодоци.
Кај Радовиш прво име беше новото засилување, искусниот Лазар Адамовиќ, кој беше и најефикасен на натпреварот со десет реализации.
