Репрезентацијата на Франција со 34:33 победата над Египет од си обезбеди полуфинале на Светското првенство 2025. Судии на овој четвртфинален натпревар беа Ѓорѓи Начевски и Славе Николов.
Французите во полуфиналето ќе играат против Хрватска, која во драматичен натпревар славеше над Унгарија. Преостанатите два четвртфинални натпревари ќе се одиграат во текот на утрешниот ден.
Речиси до 25-та минута во првото полувреме се играше гол за гол, двете репрезентации имаа свои моменти, а потоа ,,триколорите” влегоа во брзина и започнаа постепено да се одлепуваат.
Франција на полувреме замина со предност од плус четири, 18:14, па сосема беше јасно дека ,,фараоните” ќе мора да дадат повеќе од потребното во вторите 30 минути.
Избраниците на Хуан Карлос Пастор по негативата од три-четири гола, во 40-та минута намалија на минус еден, 23:22, а по четири минути, односно во 44-та минута, десниот бек Омар израмни на 24:24.
Светскиот вицепрвак некако успеваше да ,,побегне” на еден до два разлика, но Египет не се откажуваше и во 53-та минута израмни на 29:29. Беше и 32:32 на минута пред крајот, Ремили погоди за 33:32, Омар имаше чиста позиција и реализираше за 33:33, а на две секунди пред крајот искусниот Лука Карабатиќ од брз центар погоди на празен гол за радост на француската репрезентација.
🎥 Погледнете ја инфаркт завршницата меѓу Хрватска и Унгарија
