Репрезентацијата на Македонија утре во рамки од 3. коло од групната фаза на СП за ривал ја има Гвинеја, која е дебитант на Мундијалот.
Избраниците на Лазаров се големи фаворити против дебитантот и со победа треба да се заверат пласманот во главната фаза, во која ќе пренесат само бод.
,,Кога би го споредиле европски ракомет и репрезентација во Африка, не треба никого да потцениме, иако постои многу разлика во квалитетот. Секој се изборил да дојде на ова Светско првенство и не треба против никого да влеземе без респект. Се работи за ривал, ривал на кого играчите му играат во француските шампионати. Мотивацијата е иста против секого, секој што е тука сака да го даде својот максимум”, изјави Кузмановски.
Битолчанецот вели дека Македонија има квалитет и ќе има што да покаже во наредните години.
,,Уште на почетокот на првенството ние се подготвувавме за сите селекции. Поголемиот фокус беше кон Унгарија и Холандија, навистина сакавме да победиме. Мислам дека многу ќе ни значеше доколку победевме на тие два натпревари. Сигурен сум дека оваа репрезентација има голем квалитет и тоа ќе го покаже во иднина. Ни следи Гвинеја, сакаме да победиме за да одиме во втората фаза.. Таму не чекаат Австрија и Франција и веројатно репрезентацијата на Катар. Мора да си ја завршиме задачата добро и да продолжиме понатаму”, истакнува Кузмановски.
Капитенот упати голема благодарност до сите македонски навивачи во Вараждин.
,,Сакам да ѝ се заблагодарам на публиката што дојде во голем број, исто е како да играме во Скопје. За сите нас ова е еден празник. Ја чувствуваме позитивната енергија и атмосфера, многу сме мотивирани кога заедно ќе ја запееме химната. Пример за тоа беше што во првите две кола имавме поквалитетни репрезентации на хартија, но против нив се носевме заедно со нашите навивачи“, додаде Кузмановски.
Натпреварот меѓу Македонија и Гвинеја е на програмата од 18:00 часот.
Костески: Натпреварот против Гвинеја ќе биде различен од останатите
