По есенската полусезона, суперлигашите според бројот на освоените бодови, се одвоија во три дела.
Четири екипи веќе можат напролет да ја планираат битката за титулата, четири се борба за две места што водат во плеј-офот, додека четири скоро сигурно напролет ќе се борат за елитен опстанок.
Шампионот Еурофарм Пелистер, вицепрвакот Вардар, освојувачот на Купот, како и амбициозниот тим на Охрид, можат да бидат мирни во поглед на местото во разигрувањето за титулата, бидејќи освоија доволно бодови.
За преостантите две места кои водат во плеј-офот ќе се борат четири екипи, иако теоретски шанси имаат и оние што во долниот дел на табелата. Бутел Скопје и Тиквеш се во најдобра ситуација, додека свои шанси гледаат Пролет и Прилеп.
Екипите на Куманово, Бисинов ФЛ, Струга и Радовиш, ќе ги чека грчевита битка за опстанок во елитната конкуренција, па нема сомнеж дека ќе имаме интересни натпревари во февруари и март, пред да се подели лигата на два дела.
