Иако помина околу месец дена од шокантниот случај во соблекувалната на хрватскиот првак Загреб, нема крај на сапуницата.
Тогаш УО на клубот донесе одлука за привремена суспензија на Милош Кос и Звонимир Срна, поради физичката пресметка која ја предизвикал Кос. Тој го нападнал Мандиќ, кој заврши со скршен нос, а Срна се вмешал во одбраната, но и тој го извлекол подебелиот крај.
Приказната сега добива продолжение. Во полицијата во Загреб е пријавен „напад од страна на Милош Кос кој се сомничи дека на 27 ноември во 22:30 часот по меч во соблекувалната го нокаутирал соиграчот Матеј Мандиќ“.
Самиот настан тогаш не бил пријавен, а веднаш по сознанието за горенаведеното во медиумите е преземена полициска и кривична истрага. Спроведената кривична истрага утврдила дека „Кос, кој е државјанин на Босна и Херцеговина и Србија, по вербален конфликт физички го нападнал 20-годишникот и тешко го повредил, а соиграчите го спречиле дополнително да го нападне“.
Полицијата, без да прецизира кој ја поднел, потврди дека против Кос е поднесена кривична пријава до надлежното oбвинителство во Загреб.
