Селекторот на машката репрезентација на Бразил, Маркус Оливеира, го објави списокот за подготвителниот период пред настапот на Мундијалот во јануари.
Оливеира за подготвителната фаза ќе може да смета на 24 играчи, а потоа ќе ги одбере оние кои што се во најдобра форма и кои ќе можат да го дадат најдоброто од себе на Светското првенство.
На списокот кај Оливеира има двајца ракометари од Барселона, тоа се Тиагус Петрус и Микел Лопез, кој настапува за вториот тим на каталонците.
Тука се и искусните Ханиел Лангаро, Густаво Родригес, Рангел Луан Да Роса…па Бразил со спој на младост и искуство сигурно ќе атакува на добар пласман.
Бразилците на Светското првенство за ривали во групната фаза ги имаат репрезентациите на Норвешка, Португалија и Сад.
