Следните два големи настани во машка конкуренција ќе се играат во Скандинавија плус Хрватска. По СП 2025 кое ќе се игра во Данска, Норвешка и Хрватска, скандинавските земји плус Шведска ќе го организираат и ЕП 2026 година, кое беше промовирано денеска во Виена.
Селекциите на Данска, Норвешка и Шведска се директно пласирани на ЕП 2026 како домаќини, а нив ќе им се придружи и европскиот шампион Франција. Овие четири репрезентации не играат квалификации, но играат Евро Куп.
Во квалификациите за ЕП 2026 играат 32 селекции, а Македонија е на добар пат да обезбеди место на континенталниот собир во групата со Естонија, Литванија и Словенија.
По шест одиграни меча – секој со секого дома гости, прво и второпласираните ќе обезбедат место на ЕП, како и четири од осумте третопласирани селекции во квалификациските групи.
Европското првенство во 2026 ќе се игра во четири града – Осло, Хернинг, Малме и Кристијанштад. Хернинг ќе биде домаќинот на две групи (А и Б), потоа на групата 1 од главната рунда и на завршниот викенд. Осло ќе биде домаќин само на две групи (Ц и Д) од прелиминарната рунда. Во Кристијанштад ќе се игра групата Ф, во Малме групата на програмта ќе биде групата Е, како и групата 2 од главната рунда.
