Утре на програмата ќе бидат полуфиналните дуели на Европското првенство 2024, како и натпреварот за петто место на континенталниот собир.
За петтото место ќе се борат Шведска и светскиот првак од 2019, репрезентацијата на Холандија. Овој натпревар е на програмата од 15:00 часот.
Унгарија и Норвешка, која е актуелниот бранител на златото, ќе го отворат првото полуфинале, кое ќе биде со почеток од 17:45 часот.
Второто полуфинале го сочинуваат Франција и Данска, овие две репрезентации ќе се соочат во 20:30 часот, по што ќе бидат познати двата финалисти.
Сабота ќе биде слободен ден за репрезентациите, додека финалниот ден е в недела (15 декември).
Натпреварот за трето место ќе биде на програмата од 15:15 часот, а во 18:00 часот ќе биде финалниот натпревар.
