Денеска со четири натпревари ќе стартува 13 коло во Супер лигата, а најинтересно се очекува да биде на дуелот меѓу Бутел Скопје и Охрид.
Охриѓани посакуваат продолжување на победничката серија, но против Бутел Скопје особено на гости секогаш натпреварите биле резултатски неизвесни.
Поради тоа што прокисна кровот во салата „Нико Нестор“, шампионот Еурофарм Пелистер нема да гостува во Струга, туку натпреварот меѓу овие две екипи ќе се одигра во Битола.
Вицепрвакот Вардар оди на лесно гостување во Велес кај Бисинов ФЛ, додека Прилеп ќе го пречека Куманово и ќе се обиде со победа да ја продолжи трката за плеј-оф.
Двата меча меѓу Радовиш и „сино-белите“ од Автокоманда, како и меѓу Тиквеш и Пролет ќе се играат во текот на следната недела.
Супер лига, 13 коло:
30/11, 13:00, Струга – Еурофарм Пелистер
30/11, 18:00, Бисинов ФЛ – Вардар
30/11, 18:00, Бутел Скопје – Охрид
30/11, 18:30, Прилеп – Куманово
03/12, 18:00, Радовиш – Алкалоид
04/12, 19:00, Тиквеш – Пролет
