По 12 години поминати во Кил, на легендарниот германски кружен напаѓач Патрик Винцек, најверојатно нема да му биде продолжен договорот.

Според „Билд“, раководството на Кил се одлучи да ја продолжи соработката со Хендрик Пекелер, а доаѓа и Верон Начиновиќ од Монпелје, тука е Питер Оверби, па нема

Винцек потекнува од Дуисбург, играше за Тусем Есен, Гумерсбах, Бергишер и Диселдорф, а од 2012 година го носи дресот на „зебрите“.

За „Килер Нахрихтен“, спортскиот директор на Кил, Виктор Силаѓ, изјави дека засега никакво решение не е донесено и дека Винцек треба да одбере дали сака да продолжи со активно играње или да работи надвор од теренот, но допрва ќе биде познато за каков пат ќе се одлучи искусниот пивот.

Македонскиот шампион Еурофарм Пелистер губи со 16:13 на полувреме од дуелот против Фредериција од 8. коло од Лигата на шампионите.

Данскиот вицепрвак прв го отвори натпреварот во спортската сала „Боро Чурлевски“, а битолчани преку Филип Кузмановски израмнија на 1:1. Следуваше период, во кој Фредериција победуваше, а домашниот тим израмнуваше, така беше до 10 минута.

По нерешените 4:4, тимот од Данска со два гола во низа за првпат успеа да се одлепи на ,,плус два” 6:4. До средината на првото полувреме голманот Никола Митревски беше без интервенција, додека на спротивната страна Торстен имаше две.

Фредериција некако успеаваше да ја сочува предноста, иако ниту тимот од Данска не играше најидеално, по 15 минути успеа да зголеми до дотогаш највисоките плус три, 10:7. Откако Митревски не можеше ништо да одбрани, тренерот Алонсо одлучи да направи замена, па во игра влезе вториот голман Филип Ивиќ, кој имаше само една интервенција за петнаесетина минути.

Во последните десет минути од првото полувреме пелистерци никако не можеа да дојдат до израмнување, не ги искористуваа грешките на ривалот, па така Фредериција константно беше во предност, но без голема комоција во играта, водеше со два до четири гола разлика. Гостите ја сочуваа стекнатата предност и на пауза заминаа со 16:13.

Eдна од селекциите што ќе дебитираат на Европското првенство 2024 ќе биде Турција, која е ривал на Македонија во групната фаза.

Селекторот Костика Бучески, вели дека шансата за победа на континенталниот собир ја гледа против Македонија.

„Ќе се соочиме со тешки противници. Шведска и Унгарија се меѓу најдобрите во Европа и многу веројатно ќе се борат за медали. Но против Македонија, имаме шанс да победиме. Ги гледавме на ‘Трофеј Карпати’, добро ги познаваме. Можеме да направиме изненадување и да славиме“, изјави селекторот Бучески.

Од турската репрезентација, девет ракометарки играат во странство, а левиот бек Асли Искит Чалискан е во ТОП 5 стрелците во романскиот шампионат сезонава.

Македонија ќе се сретне со Турција во второто коло на ЕП на 30 декември со почеток во 20:30 часот.

Екипата на Раховец, која е предводена од Горан Андоновски, а во која настапува кружниот напаѓач Стефан Атанасовски, продолжува да биде доминантна во косовскиот шампионат, откако во заостанатиот натпревар од 7. коло славеше убедливо против Лапи.

Раховец оствари победа изразена со дури 32 гола разлика, 52:20. На полувреме избраниците на Андоновски имаа предност од 28:7 и во вторите 30 минути продолжија во ист стил.

По девет одиграни кола, тимот на Раховец се наоѓа на лидерското место со 18 бода, додека неговите најголеми ривали – Беса и Кастриоти имаат четири помалку, односно 14.

На победа во косовскиот шампионат се радуваше Вјоса, тим во кој настапуваат Стефан Кочаров, Синиша Павлов, Обрен Фичуровски, Илија Трпевски и Стефан Димевски.

Вјоса за ривал во 9. коло ја имаше Трепча и со одличната игра во двете полувремина дојде до важен триумф од 43:26.

Кочаров беше меѓу најдобрите стрелци, натпреварот го заврши со шест гола, Павлов и Фичуровски имаа по четири успешни реализации, додека Димевски двапати се запиша во листата на стрелци.

Тимот на Вјоса со новите два бода влезе во игра за 5. позиција на табелата, сега има шест бода, исто толку има и петтопласираната Вуштрија.

Бундеслигашот Лајпциг, клуб кој секогаш им правел проблеми на посилните тимови во најсилната лига на светот, има финансиски проблеми, пишува „Билд“.

Според споменатиот медиум, во мај оваа година Лајпциг бил принуден да позајмувa пари од милионер за да може нормално да функционира.

Како што се пишува во медиумот, Лајпциг побарал пари на позајмица од Мајкл Келмел, основачот на кинематографијата Киновелт.

Во документите што ги поседува „Билд“ стои дека долгот мора да биде отплатен до крајот на август следната година.

Лајпциг по десет одиграни кола во Бундес лигата се наоѓа на 10. позиција со десет освоени бода.