Женската сениорска репрезентација на Македонија денес ќе ја има претпоследната проверка пред настапот на Европското првенство 2024.

Македонија во рамки од силниот турнир „Кроација Куп“, што ќе се одржи во Новиград, Хрватска, ќе тестира со домаќинот и Србија.

Избраничките на Кристијан Грчевски денеска ќе ги одмерат силите со Хрватска, репрезентација која што е предводена од Ивица Обрван.

Утре, во истиот термин, 16:00 часот, Македонија против Србија ќе го има последниот тест пред настапот на континенталниот собир.

Македонија е во група со Унгарија, Шведска и Турција, а првиот натпревар на ЕП,  го нашата репрезентација го игра против Шведска на 28 ноември.

ДЕНЕСКА НА ТЕРЕНИТЕ:
16:00 ХРВАТСКА – МАКЕДОНИЈА (ПРИЈАТЕЛСКИ)
18:00 УНГАРИЈА – СЛОВАЧКА (ПРИЈАТЕЛСКИ)
18:00 ЧЕШКА – АНГОЛА (ПРИЈАТЕЛСКИ)
18:00 ПЛЕР – ФТЦ (УНГАРИЈА)
18:00 ВОЈВОДИНА – ЦРВЕНА ЅВЕЗДА (СРБИЈА)
19:00 РАДНИЧКИ – МЕТАЛОПЛАСТИКА (СРБИЈА)
19:00 АЈЗЕНАХ – МЕЛСУНГЕН (БУНДЕС)
19:00 ТРИМО – ГОРИЦА (СЛОВЕНИЈА)
20:00 ГУМЕРЗБАХ – КИЛ (БУНДЕС)
20:00 ДРАМЕН – ЛЕОТАР (ЕВРОПСКИ КУП)
20:00 СИЛКЕБОРГ – МОРС (ДАНСКА)
20:00 НИМ – СЕНТ РАФАЕЛ (ФРАНЦИЈА)
20:00 ТРОГИР – ЗАГРЕБ (ХРВАТСКА)
20:30 БЕНИДОРМ – УЕСКА (АСОБАЛ)
20:30 СЕСОН – ЛИМОЖ (ФРАНЦИЈА)
20:30 КРЕТЕЈ – ИСТРЕС (ФРАНЦИЈА)
20:30 ТУЛУЗ – ИВРИ (ФРАНЦИЈА)
20:45 ФРАНЦИЈА – ШПАНИЈА (ПРИЈАТЕЛСКИ)

Македонскиот шампион Еурофарм Пелистер ќе ја пречека данска Фредериција во натпреварот од осмото коло во Лигата на шампионите.

За битолскиот тим ова е важен натпревар, бидејќи со евентуална победа ќе си ги зголеми шансите за пласман во осминафиналето од европската елита.

На првиот натпревар, кој беше одигран во Оденсе, македонскиот шампион со пресврт во вториот дел дојде до два важни бода, триумфираше со 25:23.

Голманот Никола Митревски, кој со 15 интервенции беше најзаслужен за победата на првото соочување со Фредериција, ги истакна своите очекувања.

„Тие најавуваат дека сакаат реванш. Таму одигравме добар натпревар, ја остваривме првата победа и освоивме два бода и сакаме да продолжиме во тој ритам. Верувам дека салата ќе биде исполнета и со поддршката од нашите навивачи ќе славиме конечно домашна победа. Тие нема што да загубат сега, за разлика од претходниот натпревар ќе играат опуштено и мислам дека со добра атмосфера и полна сала повторно ќе ги победиме”, изјави Митревски.

Натпреварот меѓу Еурофарм Пелистер и Фредериција се игра вечерва во салата „Боро Чурлевски“ со почеток во 20:45 часот.

Петар Атанасијевиќ: Фредериција не е екипа за потценување

Тајник: Цела Битола очекува победа, а ние ќе се потрудиме да ја оствариме

Алонсо: Натпреварот против Фредериција е со голем влог – ќе решаваат детали

Еурофарм Пелистер одигра нерешено, 29-29 со Фредериција, иако можеше македонскиот првак дури и да победи, но и да загуби. Со овој бод, битолчани остануваат се уште во игра за место кое води во осминафиналето на лигата на шампионите. Веројатно ќе биде клучен оној меч со Висла во Битола.

Во последните десет минути се влезе со нерешен резултат, 25:25, се играше гол за гол, пелистерци наместо на два разлика, дозволија ривалот да израмни, 27:27, а на три минути пред финишот Фредериција со два гола во низа го презеде водството, поведе со 29:28. Еурофарм Пелистер израмни на 29:29, гостите не реализираа напад, но ниту домашниот тим не успеа да дојде до гол во последните секунди,

„Тежок меч. Фредериција беше подобра отколку на првиот меч, Играа полесно, и даваа лесни голови особено во првото полувреме. Почнавме добро, па после паднавме. не успеавме денеска да им помогнеме на голманите, да имаат повеќе одбрани. Можеше и да загубиме. Успеавме да освоиме еден бод, не сме среќни, но секако сме задоволни, изјави Дејан Манасков, крилото на Еурофарм Пелистер.

Во следното коло пелистерци гостуваат кја Веспрем.

Еурофарм Пелистер освои нов бод – драмата со Фредериција заврши реми

Членот на Куманово, Давид Димевски, го доби признанието за најкорисен играч, односно МВП на 11. коло од Супер лигата.

Младинскиот репрезентативец продолжи со одличните партии и на натпреварот против Радовиш беше еден од предводниците во својот тим.

Левиот бек му даде 11 гола на повратникот во суперлигашкото друштво, а зад своето име запиша и неколку асистенции.

Димевски освои околу 50% од гласовите на анкетата, додека второпласиран беше сениорскиот репрезентативец Мартин Серафимов со 37%.

Номинирани за МВП на 11. коло од Супер лигата беа уште Ласко Андоновски, Богдан Радивојевиќ, Хансер Родригез, Кристијан Анастасовски и Игор Арсиќ.

Европската ракометна федерација ги објави составите на Еурофарм Пелистер и Фредериција за денешната пресметка во Лигата на шампионите.

Новиот стратег на пелистерци, Раул Алонсо, ги избра ракометарите со кои ќе се брка втората победа, а прва домашна, во елитната конкуренција.

Надвор од комбинација останаа Цветан Кузманоски, Василије Печурица, Кајо Цикатиќ и Павле Петровиќ, додека кај гостите недостига Себастијан Хенеберг, кој се опоравува по повредата.

Натпреварот меѓу Еурофарм Пелистер и Фредериција е закажан за вечерва во 20:45 часот во спортската сала „Боро Чурлевски“.