Македонскиот вицепрвак Вардар денеска ќе го одигра претпоследниот натпревар од групната фаза во Лигата на Европа.

Вардар на Исланд против Валур, тим кој го совлада во првото коло со 33:26, ќе атакува на втора европска победа.

Исландскиот тим во досегашниот тек од сезоната освои само еден бод, оној против Порто на свој терен.

Денешен настап во Лигата на Европа ќе има репрезентативецот на Македонија, Филип Талески, кој со Бенфика ќе бидат домаќини на Кадетен Шафхаузен.

Тимот на Талески има максимален ефект во групата Ц – „четири од четири“ и на денешниот натпревар е голем фаворит против швајцарскиот тим.

ЛИГА НА ЕВРОПА, 5. КОЛО, РАСПОРЕД:
18:45 ГОГ – ГОРЕЊЕ
18:45 ГРАНОЉЕРС – ЗАБЖЕ
18:45 ГУМЕРЗБАХ – ФХ
18:45 ПРЕШОВ – ЛИМОЖ
18:45 СЕСВЕТЕ – ФЛЕНСБУРГ
18:45 ИШТАД – КОНЦТАНЦА 
20:45 АДЕМАР – ЛУЦЕРН
20:45 БЕНФИКА – КАДЕТЕН
20:45 СИЛКЕБОРГ – МОНПЕЛЈЕ
20:45 ХОБРИ – БИДАСОА
20:45 КАРВИНА – ТАТАБАЊА
20:45 МЕЛСУНГЕН – ПОРТО
20:45 ТОРЕЛАВЕГА – КИЛ
20:45 ТУЛУЗ – САВЕХОФ
20:45 ВАЛУР – ВАРДАР
20:45 ВОЈВОДИНА – НЕКСЕ

Новиот тренер на македонскиот шампион Еурофарм Пелистер, Раул Алонсо, го одржа првиот тренинг со ракометарите.

Шпанскиот стратег во четвртокот пристигна во Македонија, во петокот го следеше мечот против Прилеп од Супер лигата, а од денеска се фати за работа.

Тој на клупата на битолчани го наследи Бранко Ангеловски, а ќе дебитира веќе в среда во Лигата на шампионите.

Алонсо ќе го води македонскиот првак во битката со данската Фредериција, што е закажана за 20 ноември во „Боро Чурлевски“ од 20:45 часот.

Македонскиот шампион Еурофарм Пелистер ќе ја пречека данска Фредериција во натпреварот од осмото коло во Лигата на шампионите.

Новиот стратег на битолчани, Раул Алонсо, вели дека ова ќе биде натпревар со голем влог.

„Секој натпревар е различен посебно кога играте во Лигата на шампионите. Играчите во ова натпреварување брзо се адаптираат на новите ситуации. Фредериција е тим кој порасна во последните две сезони и е компетитивен во данското првенство. Го имаат Гудмундур Гудмунсон, кој е еден од најдобрите светски тренери и човек кој има големо искуство. Ќе биде тешко да се игра против нив, иако победивме на гостински терен. Ова е нов натпревар и нова ситуација, имаат квалитетни дански ракометари и агресивна одбрана“, вели Алонсо.

Тој одржа само три тренинзи пред мечот со екипата.

„Што се однесува до подготовката, го немав потребното време, тука сум три дена и одработивме само еден тренинг. Со вкупно три тренинзи ќе влеземе во натпреварот и ќе биде натпревар со голем влог. Ќе го следиме нашиот план и растот од претходниот натпревар. Многу е важно да имаме солидна одбрана и многу интервенции на голманите. Да бидеме организирани во одбраната и тоа да ни биде појдовна точка за добар позиционен напад и транзиција. Тоа е сепак натпревар од Лигата на шампионите и ќе решаваат мали детали“, заврши Алонсо.

Натпреварот меѓу Еурофарм Пелистер и Фредериција се игра утревечер во салата „Боро Чурлевски“ со почеток во 20:45 часот.

Селекторот на женската репрезентација на Чешка, Бент Дал, го објави списокот пред настапот на претстојното Европско првенство 2024.

Пред настапот на континенталниот собир, Чешка ќе има силни проверки, ќе тестира со Ангола и Шпанија, која исто така е учесник на ЕП.

Норвешкиот стратег за пријателските дуели и за Европското првенство ќе може да смета на искусните Меркета Јерабков (Икаст) Петра Кудлачкова (Злин) Шарлоте Шолевова (Валчеа)…

Чешка ќе има големи шанси да обезбеди пласман во главната фаза, бидејќи се наоѓа во група во која секој може да победи секого.

Репрезентацијата на Чешка за ривали во групната фаза на Европското првенство ги има репрезентациите на Србија, Црна Гора и Романија.

Екипата на Бенфика, во која настапува Филип Талески, продолжува без пораз во Лигата на Европа, откако на свој терен славеше над Кадетен Шафхаузен со 39:32.

Бенфика сега има ,,пет од пет” и со новите два бода го задржа лидерското место во групата Ц. Иако до крајот од групната фаза има уште едно коло, швајцарскиот тим има обезбедено пласман во главната фаза.

Талески беше меѓу најдобрите на теренот, левиот бек против тимот од Швајцарија имаше 100% реализација, пет гола од пет обиди.

Во тимот на Бенфика единствено расположен беше Лука Марош, кој во мрежата на домаќините имаше девет успешни реализации.

Како што е познато, македонскиот вицепрвак Вардар на гостувањето на Исланд кај Валур одигра нерешено, 34:34, додека Мелсунген без проблеми славеше против Порто со 32:27.

ЛИГА НА ЕВРОПА, 5. КОЛО, РЕЗУЛТАТИ:
ГОГ – ГОРЕЊЕ 31-21
ГРАНОЉЕРС – ЗАБЖЕ 41-30
ГУМЕРЗБАХ – ФХ 32-24
ПРЕШОВ – ЛИМОЖ 31-34
СЕСВЕТЕ – ФЛЕНСБУРГ 28-32
ИШТАД – КОНЦТАНЦА 38-29
АДЕМАР – ЛУЦЕРН 30-31
БЕНФИКА – КАДЕТЕН 39-32
СИЛКЕБОРГ – МОНПЕЛЈЕ 22-34
ХОБРИ – БИДАСОА 28-35
КАРВИНА – ТАТАБАЊА 31-31
МЕЛСУНГЕН – ПОРТО 32-27
ТОРЕЛАВЕГА – КИЛ 30-33
ТУЛУЗ – САВЕХОФ 30-33
ВАЛУР – ВАРДАР 34-34
ВОЈВОДИНА – НЕКСЕ 31-26

Срдановиќ од пенал му донесе бод на Вардар на Исланд

Тимот на Вори одигра одлично против Фленсбург, но поискусниот тим ги собра бодовите во Загреб