Шпанскиот стручњак Раул Алонсо денес официјално беше претставен пред јавноста како нов тренер на Еурофарм Пелистер.

45-годишникот од Мадрид потпиша договор на една и пол година и веќе го одработи првиот тренинг со македонскиот првак.

Тој седнува на клупата на битолчани на местото на Бранко Ангеловски, а тимот во меѓувреме го водеше Звонко Шундовски.

Дебито на Раул Алонсо е предвидено за в среда од 20:45 часот на дуелот со Фредериција во Лигата на шампионите.

Реализаторите на преносот од Рејкјавик очигледно не знаат против кој тим игра нивниот претстаник.

На графиката на преносот од натпреварот меѓу Валур и Вардар од Лигата на Европа, стои кратенката „МТМ“.

Тоа е кратенката за германскиот Мелсунген, односно МТ Мелсунген, а очигледно на лицата задолжени за техничките работи при преносот, не им се работело многу вечерва.

Вардарци морат да слават на гостувањето на Исланд кај Валур, а Порто да загуби кај Мелсунген, за да ги задржат и онака минималните шанси за прогрес во главната рунда.

Екипата на Чаир, која и понатаму остана единствен претставник од Македонија во Европа, во вторник ќе биде дел од ждрепката за осминафинале во Европскиот Куп.

Чаир ќе биде дел од првиот шешир поради високиот рејтинг пред стартот на сезоната, а познати се можните ривали по комплетирањето на натпреварите од третото коло.

Би било убаво во ждрепката да бидат избегнати шпанскиот Порињо, како и двете исландски екипи, пред се поради далечното патување на островот.

Убава шанса би имал Чаир за уште поголем историски успех ако добие некоја од грчките екипи, а сигурно нема да бидат незадоволни ако играат и против Хазена Кинжварт.

Полскиот Гњиезно и чешката Славија Прага, би ги ставиле „некаде измеѓу“ на листата на желбите за ривал во осминафиналето.

Чаир во третото коло со две победи ја мина португалската екипа Колехио Де Гаиа, додека во второто коло беше подобар исто така со две победи од Керженг од Луксембург.

Ждрепката ќе се одржи утре во Виена од 11:00 часот.

Европски Куп, осминафинале:

шешир 1:
Малага (Шпанија)
Јувента Михаловце (Словачка)
Ацгерсдорф (Австрија)
Мадеира (Португалија)
Ваљадолид (Шпанија)
Чаир (Македонија)
Унирек (Холандија)
Галичанка (Украина)

шешир 2:
Кинжварт (Чешка)
Славија Прага (Чешка)
Хаукар (Исланд)
Валур (Исланд)
Јонијас (Грција)
ПАОК Солун (Грција)
Гњиезно (Полска)
Порињо (Шпанија)

Ракометарките на Вардар во последното коло од регуларниот дел од Женската лига славеа убедливо против Шампион со 37:19.

Избраничките на Платон, без разлика на ривалот, одиграа максимално фокусирани во двете полувремина, а шанса имаа сите ракометарки од вардаровата клупа.

Вардар на пауза замина со предност од 18:8 и рутински ги одигра вторите 30 минути, кои беа повеќе формалност.

Најефикасни во победничката екипа беа Ива Кимовска и Дона Тодоровска, двете ракометарки имаа по седум погодоци.

Кај поразениот табор се истакна Мила Филипова, која беше единствено расположена кај Шампион, натпреварот го заврши со осум реализации.

Актуелниот шампион Ѓорче Петров немаше милост против Спартак, триумфираше со 49:10.

Составот на Симе Симовски во првиот дел постигна 28 гола, а прими само шест, додека во второто полувреме немаше поголема промена на теренот.

Во победничката екипа се истакнаа Емилијана Ризоска со 11 и Ева Божиновска со девет гола, кај Спартак прво име беше Зорица Андовска со пет гола.

Селекторот на женската репрезентација на Турција, Костика Бучечи, го соопшти списокот на ракометарки пред настапот на Европското првенство 2024.

На списокот кај романскиот стратег партиципираат 23 ракометарки, поголемиот број од нив доаѓаат од домашниот шампионат, а има неколку интернационалки кои настапуваат во Романија.

Како што е познато, Турција е еден од ривалите на Македонија во групната фаза на континенталниот собир.

Освен со Македонија, репрезентацијата на Турцијаза ривали ги има уште Унгарија и Шведска.

Најдобрите две репрезентации од секоја група ќе обезбедат пласман во главната фаза на ЕП.