Ракометарките на Чаир денеска ќе го одиграат реванш натпреварот против португалскиот тим Колехио Де Гаиа во рамки од 3. коло од Европскиот Куп.

Чаирчанки на вчерашниот натпревар, на кој во Автокоманда беа формално гостинки, славеа со четири гола разлика, 29:25.

Сепак, четири гола не се ни многу, ни малку, па така избраничките на Басри Љатифи ќе атакуваат на уште една победа за голем историски успех.

Доколку Чаир успее да го елиминира Колехио Де Гаиа, тогаш ќе си обезбеди пласман во осминафиналето во третото по ранг европско натпреварување.

Натпреварот меѓу Чаир и Колехио Де Гаиа ќе се одигра во спортската сала „Автокоманда“, а влезот за сите љубители е слободен.

На денешната програма на домашна сцена ќе има неколку дуели од Женската лига.

ДЕНЕСКА НА ТЕРЕНИТЕ:
13:30 ПЕЛИСТЕР – МЕТАЛУРГ АВТОКОМАНДА (МАКЕДОНИЈА)
14:00 КИЛ – ФЛЕНСБУРГ (БУНДЕС)
14:00 ЕСБЈЕРГ – БУДУЌНОСТ (ЛШ)
14:00 ЧСМ – ФТЦ (ЛШ)
15:00 ПОТСДАМ – РАЈН НЕКАР (БУНДЕС)
16:00 БРЕСТ – ОДЕНСЕ (ЛШ)
16:00 РАПИД – ЃЕР (ЛШ)
16:00 ЧАИР – КОЛЕХИО (ЕВРОПСКИ КУП)
16:30 ЕРЛАНГЕН – ВЕЦЛАР (БУНДЕС)
16:30 ЛАЈПЦИГ – ГЕПИНГЕН (БУНДЕС)
17:00 ЕКС АН ПРОВАНС – ПСЖ (ФРАНЦИЈА)
17:30 ШАМПИОН – ЃОРЧЕ ПЕТРОВ (МАКЕДОНИЈА)
18:00 ЛОВЌЕН – БУДУЌНОСТ (ЦРНА ГОРА)
18:30 СПАРТАК – ВАРДАР (МАКЕДОНИЈА)
19:00 ХАУКАР – ДАЛМАТИНКА (ЕВРОПСКИ КУП)

Традицијата продолжува и екипата на 24Ракомет и годинава ви овозможува во секое коло да гласате за најдобрите ракометари по коло во есенскиот дел од сезоната.

На крајот од сезоната повторно ќе ја избереме иделната седморка, а во меѓувреме за секое коло ќе ви дадеме можност да го изберете најдобриот играч во идеалниот тим што го предлага тимот на 24Ракомет.

Ние ги одбравме најдобрите седум. Со помош на вашите гласови ќе го одбереме ракометарот кој ќе биде МВП на 11 коло од суперлигашката конкуренција. Едноставно, гласајте за ракометарот за кој сметате дека бил меѓу најдобрите и го одбележал ова коло.

Meѓу номинираните за ова коло има по еден ракометар од Вардар, Еурофарм Пелистер, Пролет, „сино-белиот“ тим од Автокоманда, Куманово и двајца од Тиквеш.

За МВП на колото ќе можете да гласате до петок до 12 часот.

Супер лига, 11. коло, резултати:

ПРОЛЕТ – БУТЕЛ СКОПЈЕ 24-19 (ИЗВЕШТАЈ)
СТРУГА – ВАРДАР 25-34 (ИЗВЕШТАЈ)
ОХРИД – АЛКАЛОИД 22-29 (ИЗВЕШТАЈ)
БИСИНОВ ФЛ – ТИКВЕШ 22-33 (ИЗВЕШТАЈ)
ЕУРОФАРМ ПЕЛИСТЕР – ПРИЛЕП 46-24 (ИЗВЕШТАЈ)
КУМАНОВО – РАДОВИШ 30-26 (ИЗВЕШТАЈ)

СПОРЕД ВАС КОЈ Е НАЈКОРИСЕН РАКОМЕТАР НА 11.КОЛО ВО СУПЕР ЛИГА?

Мартин Серафимов - десен бек - Алкалоид

44.26%

Давид Димевски - лев бек - Куманово

29.51%

Богдан Радивојевиќ - десно крило - Еурофарм Пелистер

9.84%

Ласко Андоновски - среден бек - Пролет

9.84%

Кристијан Анастасовски - пивот - Тиквеш

3.28%

Хансер Родригез - лево крило - Вардар

3.28%

Игор Арсиќ - голман - Тиквеш

0.00%

ИДЕАЛЕН ТИМ НА 11. КОЛО ОД СУПЕРЛИГА

Голман: Игор Арсиќ (Тиквеш) – Српскиот голман блескаше во Велес и забележа 17 интервенции.

Лево крило: Хансер Родригез (Вардар) – Кубанскиот репрезентативец беше меѓу подобрите во триумфот над Струга.

Лев бек: Давид Димевски (Куманово) – Младинскиот репрезентативец беше на ниво и меѓу најзаслужните за бодовите против радовишани.

Среден бек: Ласко Андоновски (Пролет) – Средниот бек продолжува да игра во одлична форма оваа сезона.

Десен бек: Мартин Серафимов (Алкалоид) – Македонскиот репрезентативец постигна 12 голови на гостувањето кај Охрид.

Десно крило: Богдан Радивојевиќ (Еурофарм Пелистер) – Србинот коректно си ја одработи задачата против прилепчани.

Пивот: Кристијан Анастасовски (Тиквеш) – Кружниот напаѓач беше меѓу најдобрите поединци во триумфот кај Бисинов ФЛ.

Македонскиот шампион Ѓорче Петров запиша втора победа на пријателските натпревари против Кина.

По триумфот со 34-31, на првата меѓусебна средба, избраничките на Симе Симовски славеа и на втората со 32-28.

Азиската репрезентација се подготвува во Скопје за настап на континенталниот шампионат, додека Ѓорче Петров во недостиг на квалитетна конкуренција во регуларниот дел од сезоната бара поквалитетни ривали.

Утре „лавиците“ од Ѓорче Петров го играат последниот натпревар од регуларниот дел од Женската лига против Спартак.

Селекторот на женската репрезентација на Шпанија, Амброш Мартин, го објави скратениот список на ракометарки на кои ќе смета за Европското првенство во Австрија, Швајцарија и Унгарија.

Мартин ќе смета на 18 ракометарки, но ќе се потпре на млади сили, откако остана без голманскиот искусен двоец – Зогби Де Паула и Кастеланос.

Го нема ниту квартетот од Рапид Букурешт, па ниту една од колешките на Сара Ристовска – Лара Гонзалес и Алисија Фернандес, а претходно на поширокиот список не се најдоа ниту Аиона Фернандес и Марта Лопес.

Меѓу поискусните се Џенифер Гутиерес, Кармен Кампос и Каба Гасама, додека остатокот од селекцијата се ракометарки што играат во шпанскиот шампионат.

Шпанија ќе игра тест натпревари против Франција и Чешка пред настапот на Европското првенство на кое ќе игра повторно против Франција, како и против Полска и Португалија.

Тимот предводен од Кире Лазаров продолжува без пораз во Супер лигата, славеше на гостувањето кај Охрид со 29:22 и со новите два бода се зацврсти на првата позиција на табелата, додека „гладијаторите“ остануваат на 16 бода.

Како што се очекуваше, натпреварот започна со борбена игра на двете страни, домаќините беа тие кои први поведоа, потоа се играше гол за гол, а по нерешените 7:7, тимот на Кире Лазаров започна да се одлепува, до крајот на првото полувреме водеше со еден до три гола разлика. Предводници во нападот на гостите беа Митев и Серафимов, двајцата постигнаа вкупно девет гола во првиот дел. По 30 минути игра резултатот беше 16:14 во корист за гостинот.

На стартот на вториот дел гостинот со два гола во низа дојде до 17:14, имаше напад и за плус три, но голманот Ѓорѓески го одбрани ударот на Ѓорѓиев, а потоа реализираше Пешиќ за минус два, 17:15. Она што домаќините не го направија на стартот на вториот дел, го остварија во 36 минута кога Цирар од пенал го совлада Галевски за минус еден, 18:17.

Охрид наместо да израмни во 40 минута, дозволи гостинските ракометари со мини серија да дојдат до 21:18, па тренерот на домаќините Стевче Алушовски мораше да го искористи вториот тјам-аут. Тимот од Автокоманда продолжи да реализира и во 45 минута имаше плус шест, 23:18.

До крајот гостите водеа, играа лесно, се разбрани Галевски и веќе во 50 минута при нивно водство од 25:20, беше јасно дека бодовите ќе заминат во Автокоманда.

Мартин Серафимов имаше свој ден, натпреварот го заврши со 12 гола, кај домаќините најефикасни беа Иван Тасески, Живан Пешиќ и Гал Цирар, сите тројца имаа по четири гола.