Ракометарките на Вардар одработија уште еден натпревар од Женската лига, откако славеа на домашен терен против Спартак со 41-18.
Како и на останатите натпревари каде што има изразити фаворити, така и на овој победникот беше решен уште по првиот дел кога беше 22-12.
Леона Миленковска беше најпрецизна во победничкиот состав со осум гола, а по пет погодоци дадоа Бојана Радевска и Сара Богојеска.
Во тимот на Спартак, Ангела Гроздановска и Зорица Андовска по шест пати ја затресоа мрежата на Вардар.
Пелистер иако веќе нема шанси за плеј-офот, славеше на гостувањето кај Овче Поле Славјански Универзитет со 26-19.
Иако домаќинките водеа со 15-9, на паузата и со 15-12, во второто полувреме постигнаа само четири гола и мораа да се помират со пораз.
Предводничка на составот на Борче Корлевски беше Моника Босилковска со 12 гола, а кај домашните се истакна Јована Ангеловска со седум погодоци.
