Eвропската ракометна федерација ги делегираше официјалните лица за натпреварите од квалификациите за Европското првенство во 2026 година.
Дури четири двојки од Македонија и двајца делегати ќе бидат со евро-активности во следната ЕХФ недела.
Димитар Митревски и Благојче Тодоровски ќе го судат мечот меѓу Грузија и Исланд што ќе се игра во Тбилиси на 10 ноември во групата 3.
Методија и Михајло Илиевски патуваат во Јелгава, каде ќе бидат арбитри на дуелот меѓу Летонија и Шпанија што ќе се игра на 10 ноември во групата 4.
Даниело Божиновски и Виктор Начевски ќе го судат натпреварот меѓу Чешка и Луксембург од групата 5, што ќе се игра на 6 ноември во Прага. Делегат на овој двобој ќе биде Ацо Николовски.
Марјан Начевски, пак ќе биде делегат на мечот од групата 6 меѓу Косово и Холандија, што е закажан за 10 ноември во Приштина.
Исмаил Металари и Ненад Николовски се делегирани на натпреварот од групата 7 меѓу Турција и Германија, што ќе се игра во Анкара на 10 ноември.
ПОВРЗАНИ ВЕСТИ
