Денес со натпреварот Вардар – Пролет ќе стартува новото, 6. коло во суперлигашката конкуренција.

Натпреварот со Пролет за Вардар ќе биде последна проверка на силите пред првиот меч во групната фаза во Лигата на Европа.

Вардарци на 8 октомври во СЦ „Јане Сандански“ ќе го пречекаат исландскиот Валур, па така денешниот натпревар против Пролет ќе биде добра прилика за подготовка.

Вардар во досегашниот тек од сезоната оствари четири победи, доживеа еден пораз, оној на стартот во Автокоманда, додека Пролет на свое конто има четири бодови.

Освен во Македонија, денеска ќе се игра во Бундес и Асобал лигата, потоа во Франција, Хрватска, Австрија, а ќе има и неколку дуели од Европскиот Куп во женска конкуренција.

ДЕНЕСКА НА ТЕРЕНИТЕ:

18:30 ВАРДАР – ПРОЛЕТ (МАКЕДОНИЈА)
19:00 МЕТКОВИЌ – ЗАГРЕБ (ХРВАТСКА)
19:00 ДУБОЧИЦА – ВОЈВОДИНА (СРБИЈА)
19:00 ЈАГОДИНА – ХАЏИЦИ (ЕВРОПСКИ КУП)
19:00 САЛЕРНО – ВИФ (ЕВРОПСКИ КУП)
19:00 АЛПЛА – ГРАЦ (АВСТРИЈА)
20:00 ИСТРЕС – ЛИМОЖ (ФРАНЦИЈА)
20:00 ПСЖ – ИВРИ (ФРАНЦИЈА)
20:00 СЕНТ РАФАЕЛ – СЕСОН (ФРАНЦИЈА)
20:00 AДЕМАР – УЕСКА (АСОБАЛ)
20:30 ТУЛУЗ – КРЕТЕЈ (ФРАНЦИЈА)
21:30 ГРАНОНОЉЕРС – ВАЉАДОЛИД (АСОБАЛ)

По триумфот на унгарскиот Веспрем над Магдебург со 34-33 во финалето на Светското клупско првенство во Каиро, ИХФ го прогласи и идеалниот тим.

Во најдобрата седморка се најдоа дури четворица ракометари на Веспрем, а за МВП беше избран десниот бек Недим Ремили.

Ремили постигна 20 гола на четири меча, но подели и 17 асистенции, па беше клучната фигура во Веспрем на Светското клупско првенство.

Покрај најкорисниот играч Ремили, во идеалниот тим се најдоа Родриго Коралес, Лука Циндриќ и Уго Деска.

Меѓу најдобрите има и двајца играчи на Магдебург – левиот бек Гисли Кристјансон и десниот бек Омар Игни Магнусон, а имаше место и за десното крило од Барса, Алеиш Гомеш и пивотот од Ал Ахли, Ахмед Адел.

Тимот на Куманово ја запиша втората сезонска победа во суперлигашкото друштво, откако славеше на гостински терен кај новиот член на елитата Бисинов, со пет гола разлика, 30-25.

Творци на победата беа искусниот голман Стефан Кимевски, кој запиша 11 интервенции, како и младинскиот репрезентативец Давид Димевски, кој со 12 гола беше нерешлива енигма за „овоштарите“.

Велешани водеа со пет погодоци во првиот дел, 11-6, но влегоа во една „црна дупка“ во нападот, сите грешки им беа казнети од страна на Куманово и гостите за кратко време израмнија на 11-11.

Во вториот дел гостите поведоа со два гола, 15-13, потоа и со три, 21-18, а до крајот без особени проблеми успеаја да го задржат водството и да не му дозволат на домаќинот да направи камбек во натпреварот.

Покрај Димевски, во составот на Куманово, се истакна и десниот бек Винисиус со осум погодоци, додека кај велешкиот тим, Илиев и Ончев имаа по шест реализации. Во следното коло, Бисинов му гостува на Охрид, додека Куманово ќе игра дома против шампионот Еурофарм Пелистер.

Во финалето на Светското клупско првенство во Каиро, денеска од 19:00 часот ќе играат бундеслигашот Магдебург и унгарскиот Веспрем.

Магдебург има шанса да освои четврти трофеј по ред, откако славеше на претходните три изданија, кога ова натпреварување го носеше името Супер Глоуб.

Веспрем досега има освоено два трофеи на меѓународна сцена – во ЕХФ Купот, па доколку слави тоа ќе биде трет трофеј за унгарскиот гигант.

Освен за златото, германскиот и унгарскиот тим ќе се борат и за паричната награда од 350.000 американски долари, додека за второпласираниот тим, ИХФ ќе додели 100.000 американски долари.

Во битката за третото место ќе играат египетскиот Ал Ахли и каталонскиот гигант Барселона, а освојувачот на бронза ќе добие 50.000 долари.

Унгарскиот гигант Веспрем е првиот финалист на Светското клупско првенство во Египет, откако славеше над Барселона со 39:34 по продолженијата од по пет минути.

Во големата борба во регуларниот дел од натпреварот немаше победник, беше 29:29 по 60 минути игра, а трагичар на каталонците беше Алеиш Гомез, кој промаши пенал на десетина секунди пред крајот.

Во продолженијата подобро се снајдоа избраниците на Чави Пасквал, па така унгарскиот шампион ќе се бори за златниот медал.

Второто полуфинале од Светското клупско првенство, во кое ќе играат Магдебург и Ал Ахли, е на програмата од 19:00 часот.

Правдата на овој дуел ќе ја дели најдобрата судиска двојка од Македонија – Ѓорѓи Начевски и Славе Николов.

Завршниот ден е резервиран за четврток, односно 3 октомври, по што ќе биде познат конечниот пласман.