Репрезентацијата на Данска го освои бронзениот медал на Олимписките игри, откако славеше против Шведска со 30-25.
Швеѓанките водеа само на стартот, а потоа Данска ја презема контрола и имаше водство од еден до три гола во првиот дел. На паузата се замина со водство на избраничките на Јеспер Јенсен со 15-13.
Во вторито дел исто така доминираше Данска, иако Шведска не се откажуваше и во повеќе наврати намали на минус два. Сепак немаше сили кај девојките на Томас Акснер за комплетен камбек во мечот.
Фрис, Хојлунд, Јоргенсен…погодуваа, а шведските голманки Бундсен и Ериксон не беа расположени како на претходните натпревари и на крајот Данска само рутински го заокружи натпреварот.
Најдобра кај Данска беше Хојлунд со пет погодоци, додека голманката Тофт запиша 16 одбрани. Кај Шведска се истакна Хагман со пет гола.
ПОВРЗАНИ ВЕСТИ
