Ракометарките на Скопје со убедлива победа со 34-16 над Гевгелија го отворија 25 коло од Женската лига.
Предводнички во триумфот и новите три бода за Скопје беа Стефани Ристиќ со девет гола и Јана Петровска со осум погодоци. Во составот на Гевгелија се истакна Елена Димова со седум гола.
Само на стартот беше 1-1, а потоа домаќинките поведоа со 10-1 и беше јасно каков тек ќе има натпреварот.
На паузата избраничките на Андријана Будимир имаа водство со 14-7, шанса за настап добија сите ракометарки од двете екипи во вториот дел кога победникот веќе беше познат.
Во последното коло Скопје ќе игра против Шампион на гостински терен, додека Гевгелија ќе го пречека дома Овче Поле СУ.
ПОВРЗАНИ ВЕСТИ
