Некогашниот голман на битолски Пелистер, Игор Тоскоски, од наредната сезона ќе биде прв тренер на екипата на Аполда.
Тој ова лето ќе ја заврши богатата играчка кариера, сезонава беше и во стручниот штаб, но од лето ќе се посвети само на тренерската кариера.
Тоскоски веднаш почна да го засилува тимот во кој своевремено играа уште двајца Македонци – крилата Игор Илиевски и Васил Митевски.
Ново засилување за составот на Аполда ќе биде искусниот пивотмен Пеце Ѓоргиески, кој доаѓа од германскиот Цвикау.
Ѓоргиески потекнува од Прилеп, играше за кадетската и младинска репрезентација на Македонија, а ги носеше дресовите на Пролет, Радовиш, Работнички, Пелистер, Охрид, Струга и Тиквеш.
Оваа сезона во Цвикау на 21 натпревар успеа да постигне 66 погодоци, а од лето ќе го чека нов предизвик во Аполда.