Европската ракометна федерација ги одреди официјалните лица за натпреварите во третото коло од Европскиот Куп во машка конкуренција.

Браќата Методија и Михајло Илиевски добија ново делегирање од ЕХФ и ќе патуваат во Хрватска.

Тие ќе бидат арбитри на првиот натпревар меѓу хрватскиот Пореч и словенечката Крка Нова Место.

Овој натпревар се игра на 23 ноември во салата „Вели Јоже“ во Пореч со почеток во 18:00 часот.

Денеска во седиштето на Европската ракометна федерација во Виена беше извршена ждрепката за групната фаза во Лигата на Европа. Меѓу 16 учесници ќе има екипи од осум држави, а најмногу – дури четири претставници, има Германија.

Норвешка има три екипи, Шпанија, Романија и Франција по два, додека Данска, Полска и Унгарија имаат по еден тим во групите.

Во групата А ќе играат романската Дунареа Браила и германскиот Турингер, кои минатата сезона играа во четвртфиналето. Покрај нив во оваа група се шпанскиот Елче и некогашниот европски првак Ларвик.

Групата Б се чини дека е најсилна со данскиот Икаст, победникот во ЛЕ во 2023 година, потоа норвешката Сола, германската Борусија Дортмунд и романската Валчеа.

По шесте одиграни кола во Лигата на Европа, прво и второпласираните екипи ќе обезбедат место во четвртфиналето, а групната фаза почнува на 11/12 јануари.

До почетокот на Европското првенство 2024, кое ќе се одржи во Унгарија, Швајцарија и Австрија, преостануваат уште седум дена.

Меѓу 24-те учеснички на Европското првенство ќе биде и Македонија, која во Дебрецин ќе игра во група со Шведска, Унгарија и Турција.

Европските првенства секогаш биле отскочна даска за младите таленти, а ЕХФ пред стартот на континенталниот собир ги издвои најголемите седум таленти кои ќе настапат на континенталниот собир.

Една од нив е репрезентативката на Македонија, 17-годишната Ива Младеновска. Екс ракометарката на Металург, моментално, настапува за францускиот Брест Бретањ.

За големата надеж на македонскиот ракомет ова ќе биде второ учество на едно големо натпреварување, првото го имаше на Европското првенство 2022, на кое Македонија беше еден од ко-организаторите.

,,Десниот бек Младеновска иако има само 17 години, сепак, ќе се радува на своето второ учество на Европското првенство, откако во 2022 на само 15 години го имаше дебитанскиот настап. Не е за изненадување што таа беше дел од Европското првенство 2022, бидејќи Младеновска важи за еден од најголемите таленти откриени во македонскиот ракомет во последната деценија”, пишува ЕХФ.

Освен Младеновска, ЕХФ ги издвои и Јана Мутин (Фарски Острови), Миа Еменегер (Швајцарија), Виола Лехтер (Германија), Лусијана Ребело (Португлија), Петра Симон (Унгарија) и Лена Грандво (Франција).

Натпреварот меѓу Еурофарм Пелистер и Фредериција заврши реми, 29-29, иако и двете екипи имаа шанси да постигнат победнички погодок.

Тренерот на данскиот тим Гудмундур Гудмундсон, генерално е задоволен од изданието на неговите избраници.

„Беше многу тежок меч, како што очекувавме. Среќен сум поради нашата игра, игравме добро во првиот дел, бевме уште подобри на стартот на вториот дел, имавме ширина и генерално сум задоволен од изданието. Ние сме нов тим во Лигата на шампионите, освоивме бод, ќе бидеме уште подобри во иднина“, вели Гудмундсон.

Беккот Мадс Андерсен вели дека тој и неговите соиграчи правеле грешки во клучни моменти.

„Беше тежок натпревар со многу емоции, се обидовме да го дадеме најдоброто од себе, можеби направивме некои грешки во клучни моменти, губевме два разлика, направивме пресврт, имавме шанса за победа, но на крајот задоволни сме од освоениот бод.

Екс пелистерецот Реине Табода вели дека мора да бидат задоволни со освоениот бод.

,,Атмосферата беше прекрасна, многу добра атмосфера, мораме да биде задоволни со еден поен, на крајот успеавме да одиграме нерешени, така што мора да бидеме задоволни со еден поен”.

Следен предизвик за Фредериција ќе биде гостувањето кај полскиот првак Висла Плоцк.

Гледајте ВО ЖИВО, Валур – Вардар, ТУКА