Тимот на Штокерау, каде што брани македонската интернационалка Матеја Серафимова, обезбеди место во полуфиналето на Купот на Австрија.
Штокерау славеше на гостински терен кај составот на Дорнбирн со 30-28, откако и на полувремето имаше плус пет, 17-12.
Македонската голманка беше меѓу најзаслужните за оваа победа што го однесе Штокерау меѓу најдобрите четири екипи.
Покрај тимот на Серафимова, во ТОП 4 се пласираа и Хипо, Ацгерсдорф и Тулин, кои се можни ривали на Штокерау.
Штокерау го има освоено трофејот во Купот на Австрија во 2018 година, додека последните три трофеи завршија во витрините на некогашниот европски првак Хипо.
ПОВРЗАНИ ВЕСТИ
