Еден од предводниците во репрезентацијата на Холандија и во тимот на Фленбург, десниот бек Кај Смитс, нема да настапи на Европското првенство 2024 во Германија.
Од бундеслигашот соопштија дека извесен период ќе продолжат без Смитс, бидејќи репрезентативецот на Холандија има „поблаго воспаление на срцевиот мускул“, односно миокардитис.
Се уште не се знае колку точно ќе отсуствува Смитс од ракометните терени, но најверојатно неговиот камбек ќе биде во вториот дел од тековната сезона.
Холандија на Европското првенство во Германија во групната фаза ќе игра со репрезентациите на Шведска, БиХ и Грузија.
Селекторот на Холандија, Стефан Олссин, ќе мора да смислува нова тактика за настап на континенталниот собир.
ПОВРЗАНИ ВЕСТИ
