По левото крило Бјарки Мар Елисон, унгарскиот првак Веспрем, го продолжи договорот и со десното крило.
Словенечкиот репрезентативец Гашпер Маргуч стави потпис на новиот договор и ќе остане во Веспрем најмалку до 2026 година.
Тој е во овој клуб од 2014 година и ако го одработи новиот договор со унгарскиот гигант ќе комплетира 12 сезони.
Маргуч дојде во Веспрем од Целје и досега освои пет пати титула во унгарскиот шампионат, седум трофеи во Купот, пет титули во СЕХА лигата, а три пати играше во финалето на Лигата на шампионите.
Оваа сезона Маргуч е еден од најдобрите стрелци на Веспрем и успеа да постигне 82 гола на 23 натпревари.
ПОВРЗАНИ ВЕСТИ
