Репрезентацијата на Норвешка е вториот полуфиналист на Светското првенство 2023, откако во четвртфиналето ја совлада Холандија со седум гола разлика, 30:23 (12:11).
Светскиот првак од 2019 пружи отпор во првиот дел, но во вториот остана без муниција и дозволи ривалот да постигне дури 18 погодоци.
Скандинавската селекција одигра одлично во вториот дел и отпорот на „лалињата“ беше скршен кога Мерк и колешките од 16:15 заминаа на недостижна предност од 22:15 и до крајот одиграа рутински.
Најефикасна во победничката репрезентација беше Стине Скогранд, која имаше 100%, девет од девет, додека кај Холандија со по четири погодоци се истакнаа Ангела Малештајн и Дионе Хушер.
Во претходното четвртфинале, репрезентацијата на Франција славеше над Чешка со 11 гола разлика, 33:22.
ПОВРЗАНИ ВЕСТИ
