Вицепрвакот во натпревар од 13. коло од Супер лигата на свој терен го совлада Куманово со 29:12 (14:9) и веќе го осигура првото место во групата А.
Тоа значи дека тимот од Автокоманда во плеј-оф фазата ќе пренесе максимален број бодови, односно три.
Избраниците на Кире Лазаров победата ја обезбедија уште на стартот, се одлепија на 9:1 и рутински го одиграа останатиот дел од мечот.
Најефикасни во победничката екипа беа Максим Габрески и Давид Савревски со по шест погодоци.
Во составот на Куманово прво име беше интернационалецот од Грузија, Уча Гамзардија со четири погодоци.
