Поранешната членка на Вардар, Јованка Радичевиќ, која дресот на „црвено-црните“ го носеше пет сезони, стана првата ракометарка која постигна над 1.100 погодоци во Лигата на шампионите.
Екс репрезентативката на Црна Гора на вчерашниот дуел против Мец имаше две реализации и токму вториот погодок против францускиот тим за Радичевиќ беше нејзин 1.100-ти во Лигата на шампионите.
Црногорката стана првата ракометарка што ја достигна оваа бројка, а зад нејзе се Кристина Неагу и Анита Гербиц.
Неагу во досегашниот тек од европската елита постигна 1.069 погодоци, додека легендарната Гербиц, која е во пензија, зад своето има во ЛШ запиша 1016 погодоци.
На чекор до клубот „1000“ е и Андреа Лекиќ, која исто така настапуваше во дресот на Вардар. Лекиќ има 995 погодоци, треба да додаде уште пет за да влезе меѓу најдобрите стрелци во историјата на елитата.
ПОВРЗАНИ ВЕСТИ
