Машката кадетска репрезентација на Македонија по победата над Грузија од 27:21 обезбеди пласман во главната фаза на Светското првенство во Хрватска.
Избраниците на Раде Стојановиќ, кои за ривали во следниот круг ги имаат најдобрите две репрезентации од групата Е – Данска и Австрија, битката за четвртфинале ќе ја стартуваат без бодови.
Првопласираната од групата Ф, селекцијата на Норвешка, која во последното коло ја декласираше Црна Гора со 41:22, ќе пренесе два бода, оние од дуелот со „црвено-жолтите“.
Со два бода ќе стартува и Данска, бидејќи во дерби дуелот со Австрија издвојува победа од 43:28.
Од 4-те новоформирани групи, само најдобрите две репрезентации ќе се пласираат во четвртфиналето.
Репрезентациите кои ќе завршат на 3 и 4 место во секоја група ќе разигруваат за пласман од 9 до 16 место.
Следете не на нашите канали на социјалните мрежи, на официјалната страница на Facebook, бидете дел и од Viber заедницата на 24Ракомет и добивајте ги сите информации веднаш на вашиот телефон.
Рутински одработена задачата со Грузија: Македонија е во ТОП 16 во светот!
Субашевски за 24Ракомет ТВ: Данска ќе биде главниот тест, ќе дадеме сѐ од себе за победа (ВИДЕО)
ПОВРЗАНИ ВЕСТИ
