Екипата на Рајн Некар, која е ривал на Вардар во квалификациите од Лигата на Европа, го освои трофејот на „С-Купот“.
Рајн Некар во дуелот за прво место за ривал го имаше незгодниот Гепинген и успеа да запише триумф од 41:37.
Најефикасни во дуелот со Гепинген беа Јаник Колбахер со осум и Патрик Грецки со шест погодоци. Голманот Давид Шпат за 20 минути имаше пет интервенции, додека неговиот колега Џоел Бирлем за 40 минути забележа 10 интервенции.
Ракометарите на Рајн Некар во полуфиналето на „С-Купот“ славеа против Балинген со седум гола разлика (36:29), а на претходните два дуели, против нисколигашите Валцбахтал и Опенвајлер. имаа убедливи триумфи од 62:16, односно 44:29.
Вардар и Рајн Некар Левен ќе играат на 26 август во Скопје, додека реваншот е на 3 септември во Хајделберг.
Победникот од квалификацискиот двобој меѓу македонскиот тим и бундеслигашот ќе обезбеди пласман во групната фаза од Лигата на Европа и ќе игра против Нант, Бенфика и Кристијанштад.
ПОВРЗАНИ ВЕСТИ
