Шпанскиот репрезентативец Абел Сердио го продолжи договорот со Висла Плоцкк за уште две сезони и некогашниот член на Барселона, ќе остане во полскиот вицепрвак до 2025 година.
Унгарската репрезентативка Ноеми Хафра во следната сезона ќе ги брани боите на црногорскиот шампион Будуќност. Левиот бек доаѓа на позајмица од Ѓер, откако претходната сезона беше членка на данскиот Оденсе.
22-годишната шпанска репрезентативка Алба Спуњини заминуа од Рокаса и на лето ќе се пресели во романскиот тим Баја Маре. За репрезентацијата на Шпанија кружниот напаѓач настапи на 17 меча досега.
Германскиот Некарсулмер објави за постигнатиот договор со австриската голманка Лена Иванчок. 21-годишната Хрватка со австриски пасош последните три сезони ги мина во Локомотива Загреб.
Полскиот Азоти Пулави објави дека од следната сезона ќе биде посилен за украинскиот репрезентативец Дмитри Тјутјуник. Кружниот напаѓач во моментов игра за Мотор Запорожје и е меѓу најдобрите стрелци.
Француското лево крило Етиен Моке, кој оваа сезона од Трембле се пресели во Спортинг Лисабон, ја продолжи соработката со португалската кипа и за следната сезона.
Францускиот Лимож објави за постигнатиот договор со шпанскиот среден бек Хон Аске. 28-годишниот плејмејкер во моментов е член на Бидасоа, а во Лимож ќе го замени Јоав Ламбросо кој оди во полскиот Келце.
Португалската Бенфика е пред потпис со десното крило на норвешкиот Елверум, Кристофер Хедберг. Швеѓанецот кој има 30 години за Елверум игра од 2021 година, а оваа сезона во ЛШ постигна 21 гол.
