Некогашниот ракометар на Динамо Минск, Келце и Мешков Брест, Дмитри Никуленков, ќе има нова улога од следната сезона.
Според пишувањата на рускиот портал „Брз Центар“, Никуленков кој досега беше асистент тренер, ќе биде главен тренер на белорускиот вицепрвак СКА Минск.
Тој би требало да дојде на местото на Игор Папруга, кој му го донесе триумфот во Купот на СКА Минск минатата сезона, но ја загуби трката за титулата од Мешков Брест.
37-годишниот Никуленков е поранешен белоруски репрезентативец, кој ја заврши кариерата токму во СКА Минск, а претходно играше за Аркатрон Минск, Келце, Динамо Минск и Мешков Брест.
ПОВРЗАНИ ВЕСТИ
