Еурофарм Пелистер се потеше 60 минути во Бутел, освои тешки три бода

Ракометарите на Бутел Скопје пропуштија голема шанса за да стигнат до изненадување на дуелот против Еурофарм Скопје и во финишот останаа без бодови иако водеа во поголемиот дел од средбата откако загубија со 21:23.

Од почетокот на натпреварот се виде дека екипата на Бутел Скопје има максимално мотивирани играчи кои ќе знаат што сакаат во секој дел од дуелот и ќе се борат за изненадување против фаворитот од Битола.

После почетното водство на Еурофарм Пелистер од 1:0 дојде водство на домашните и постојано беше гол предност во следните неколку минути. Долго се чекаше некој тим да поведе со два погодока разлика, но немаше таква предност до финишот на првиот дел кога Бутел Скопје поведе со 9:7 после серија од 3:0.

Овие два гола беа зачувани до крајот на првите 30 минути. Тимот на Бутел Скопје успеа да издржи и да остане во позитива така што на одмор се замина со 12:10.

Позитивата од плус два уште со првиот напад стана и плус три. Бутел Скопје стигна до 13:10 и овие плус три се чуваа до средината на второто полувреме. Се играше гол за гола до 17:14 кога гостите искористија шанса за да стигнат до три гола и да казнат грешки на противникот, па да се влезе во интересна завршница на средбата.

Резултатот беше 17:17, а Градимир Чаневски беше играчот што задаваше грижи за својот поранешен клуб. Кога противникот ќе најдеше шанса за да дојде до уште некој погодок тој бранеше одлично и го одржуваше Бутел Скопје во игра за изненадување.

До крајот на средбата текот беше максимално возбудлив. Бутел Скопје беше во предност, но до 20:18 кога гостите одново израмнија, а потоа и поведоа. Во последните минути влегоа со предност од 21:20. Потоа следуваше уште по еден гол на двете страни, а тимот на Бутел имаше напад за израмнување. Сепак, ракометарите се прекомбинираа и влегоа во пасивен. Не ја искористија акцијата, па гостите останаа во водство и со 25 секунди за последен напад.

Граџан беше играчот кој погоди за победа од 23:21 после тајм-аутот, па Еурофарм Пелистер успеа да се спаси од големо изненадување и се враќа со три бода за Битола.

БУТЕЛЕУРОФАРМ ПЕЛИСТЕР 9 февруари 2022 21 - 23 Крај

Детали

Датум	Време	Лига	Сезона	Match Day	Крај
9 февруари 2022	18:59	REГУЛАРЕН ДЕЛ | ПЛЕЈ ОФ СУПЕРЛИГА	2021/2022	09.02.2022	60'

Место

УС „Антон Димитров“

Резултати

Екипа	1-во полувреме	2-ро полувреме	Резултат
БУТЕЛ	12	21	Пораз
ЕУРОФАРМ ПЕЛИСТЕР	10	23	Победа

БУТЕЛ

#	Играч	Позиција	Исклучување	Голови
5	Иван Андревски	-	0	0
6	Јовица Младеновски	лев бек	0	0
7	Томче Стојановски	лев бек	1	0
8	Димитар Ѓеоргиевски	централен бек	0	2
10	Марко Митев	централен бек	0	2
14	Бојан Спасовски	пивот	2	0
15	Златко Мојсоски	десно крило	0	5
17	Бојан Спасовски	десен бек	0	0
28	Градимир Чаневски	голман	0	0
30	Бојан Блажевски	голман	0	0
33	Владимир Јевтиќ	пивот	0	3
34	Кристијан Василевски	пивот	0	0
43	Петар Цветковски	-	0	0
64	Мирко Мајиќ	лево крило	2	4
94	Денис Тот	десен бек	1	3
96	Кристијан Давитковски	десен бек	0	2
	Вкупно		6	21

ЕУРОФАРМ ПЕЛИСТЕР

#	Играч	Позиција	Исклучување	Голови
2	Матео Мараш	десен бек	0	1
3	Гоце Ојлески	лево крило	0	1
6	Бојан Маџовски	лево крило	0	1
7	Дејан Кукуловски	лев бек	1	0
9	Стипе Мандалиниќ	лев бек	0	2
12	Мартон Секељ	голман	0	0
14	Марио Танкоски	централен бек	0	1
18	Јосип Периќ	централен бек	0	7
19	Ненад Костески	десно крило	0	0
24	Милорад Кукоски	лев бек	0	0
30	Мартин Велковски	десен бек	1	0
32	Јосип Божиќ Павлетиќ	десно крило	0	1
59	Елмир Граџан	пивот	0	2
74	Немања Обрадовиќ	централен бек	0	2
97	Рение Табоада	централен бек	1	5
98	Марко Кизиќ	голман	0	0
	Вкупно		3	23

Officials

Судии:	Делегат:
КОЛЕВСКИ ЃОКО КРКАЧЕВ САШО	НАЧЕВСКИ ДРАГАН

СУПЕР МАШКА ЛИГА – ТАБЕЛА