Охрид издржа едно полувреме во Битола, Еурофарм Пелистер слави нов суперлигашки триумф

Ракометарите на Еурофарм Пелистер ја забележаа првата победа на официјални натпревари во 2022 година. Битолчани триумфираа против Охрид со 34-25 со одлично издание во вториот дел од натпреварот од 17 коло во суперлигашкото друштво.

Охрид водеше со 1-3 на стартот, но домаќините набрзија израмнија на 3-3. Во продолжение од мечот се играше гол за гол, а битолчани никако не можеа да се одлепат на водство од два гола.

Тоа им успеа во финишот на полувремето, кога стигнаа до 14-12 со голот на Мараш, а потоа беше и 16-13. До крајот на првиот дел охриѓани намалија на 16-14 со голот на Манасков.

Клучен период на мечот беше стартот на второто полувреме. Божиќ Павлетиќ и Граџан погодија четири пати за четири минути и веќе веше 20-14 за битолчани, па Раде Стојановиќ мораше да бара тајм-аут.

Сепак немаше големи промени во играта на Охрид, продолжи кризата во нападот, а избраниците на Жељко Бабиќ ја зголемија предноста на плус седум, 23-16 во 40. минута од натпреварот и немаше назад за гостите.

Финишот беше шанса за оние со помала минутажа да ги покажат своите квалитети, но домашните и покрај тоа успеаја рутински да го довршат натпреварот и да продолжат во победнички стил таму каде што застанаа во есенскиот дел од Суперлигата.

Најдобри стрелци кај Еурофарм Пелистер беа Божиќ Павлетиќ со осум и Јосип Периќ со шест гола, додека кај Охрид се истакнаа Додиќ со шест и Кривокапиќ со пет погодоци. Битолчани веќе утре му гостуваат на Скопје во рамките на 18 коло од Суперлигата.

ЕУРОФАРМ ПЕЛИСТЕРОХРИД 3 февруари 2022 34 - 25 Крај

Детали

Датум	Време	Лига	Сезона	Match Day	Крај
3 февруари 2022	19:09	REГУЛАРЕН ДЕЛ | ПЛЕЈ ОФ СУПЕРЛИГА	2021/2022	03.02.2022	60'

Место

Спортска сала „Боро Чурлевски“

Резултати

Екипа	1-во полувреме	2-ро полувреме	Резултат
ЕУРОФАРМ ПЕЛИСТЕР	16	34	Победа
ОХРИД	14	25	Пораз

ЕУРОФАРМ ПЕЛИСТЕР

#	Играч	Позиција	Исклучување	Голови
1	Филип Ивановски	голман	0	0
2	Матео Мараш	десен бек	0	3
3	Гоце Ојлески	лево крило	0	1
6	Бојан Маџовски	лево крило	0	3
7	Дејан Кукуловски	лев бек	0	2
9	Стипе Мандалиниќ	лев бек	0	0
12	Мартон Секељ	голман	0	0
14	Марио Танкоски	централен бек	0	1
18	Јосип Периќ	централен бек	0	6
19	Ненад Костески	десно крило	0	0
30	Мартин Велковски	десен бек	1	0
32	Јосип Божиќ Павлетиќ	десно крило	0	8
59	Елмир Граџан	пивот	0	5
74	Немања Обрадовиќ	централен бек	1	1
97	Рение Табоада	централен бек	0	4
98	Марко Кизиќ	голман	0	0
	Вкупно		2	34

ОХРИД

#	Играч	Позиција	Исклучување	Голови
1	Јагош Брауновиќ	голман	0	0
4	Крсте Андоновски	лево крило	0	0
6	Филип Кривокапиќ	централен бек	0	5
10	Филип Николов	десен бек	1	1
11	Мице Шилегов	десно крило	1	3
12	Христијан Ковачески	голман	0	0
13	Славчо Шулески	-	0	1
14	Михајло Младеновиќ	лев бек	0	2
19	Иван Тасески	пивот	0	2
21	Филип Грубор	-	0	2
24	Мартин Манасков	лев бек	0	2
34	Мартин Ивановски	централен бек	0	0
35	Николче Ристески	лево крило	0	0
44	Стефан Додиќ	централен бек	1	6
90	Даниел Ацев	голман	0	0
8	Наум Костов	десно крило	0	1
	Вкупно		3	25

Officials

Судии:	Делегат:
МЕТАЛАРИ ИСМАИЛ НИКОЛОВСКИ НЕНАД	МИРЧЕСКИ ЛЕРИ