Тимот на Ница, каде што тренер е Марјан Колев, а голот го чува Јована Мицевска, беше поразен во 14 коло од францускиот шампионат.
Ница загуби на домашен терен од составот на Париз со 18-23, а клучната предност гостинките ја направија во првиот дел кога беше 6-11.
Македонската репрезентативна голманка Мицевска беше на голот цел натпревар и успеа да собере 10 одбрани од 30 удари.
Таа брани во одлична форма сезонава и сигурно ќе биде еден од главните адути за дуелите од ЕХФ Евро Купот на Македонија против Словенија и Норвешка.
Ница во следното коло повторно игра на домашен терен, овојпат против Мерињак.
ПОВРЗАНИ ВЕСТИ
