Македонија со втор пораз, Симиќ беше загатка без решение

На вториот натпревар на Европското првенство репрезентацијата на Македонија го претрпе и вториот пораз откако од почетокот до крајот против Црна Гора беше во негатива, а епилогот беше изразен со четири гола негатива и резултат од 24:28.

Од почетокот на средбата беше тешко да се следи ритамот на Црногорците кои го зададоа првиот удар бидејќи успеаја да поведат брзо со 4:0. Репрезентативците на Македонија тешко следеа и само Серафимов на стартот успеваше да погоди и да ја одржува Македонија. Сепак, негативата отиде дури до пет гола пред да почне засилувањето на ритамот.

Идејата во нападот конечно се разбуди во втората половина на првото полувреме кога после неколку измени во составот дојдоа неколку погодоци и поцврста одбрана, па се фати приклучок.

Во завршницата на првото полувреме се дојде до негатива од два гола, па и до еден погодок, но шансата за израмнување не беше искористена така што противникот успеа да замине на одмор со водство. Македонија имаше 16:17 што беше најава дека во продолжение ќе мора да се крене ритамот.

Првото израмнување на средбата дојде на почетокот на второто полувреме. Реализацијата беше за 17:17, но потоа одново се дозволи противникот да се разигра. Неколку грешки, некоја одбрана на Симиќ беа причина за Црна Гора одново да дојде до плус три. Иако се бараше шанса за нов приклучок, сепак, не се користеше најдобро просторот.

Дури и кога ќе се добиеше чист простор за шут, Симиќ беше тој кој беше пречка која не можеше да се помине. Голманот на Црна Гора се разбрани и не дозволи Македонија да се врати. Имаше малку погодоци во вториот дел што беше и за очекување после 33 гола во првите 30 минути така што беше навистина тешко да се направи пресврт.

Во целата ситуација добро беше што Митревски одигра расположено и успеа да врати со некоја одбрана. Сепак, во финишот немаше решение за ништо особено за голманот на Црна Гора дури и од ситуации од кои е потешко да се промаши отколку да се погоди така што на крајот беше 24:28 што ја остави Македонија без шанса за втор круг.

МАКЕДОНИЈАЦРНА ГОРА 15 јануари 2022 24 - 28 Крај

Детали

Датум	Време	Лига	Сезона	Match Day	Крај
15 јануари 2022	19:40	EURO22 A	2021/2022	15.01.2022	60'

Место

„ФЕНИКС ЧАРНОК“ ДЕБРЕЦЕН

Резултати

Екипа	1-во полувреме	2-ро полувреме	Резултат
МАКЕДОНИЈА	16	24	Пораз
ЦРНА ГОРА	17	28	Победа

МАКЕДОНИЈА

#	Играч	Позиција	Исклучување	Голови
1	Никола Митревски	голман	0	0
4	Мартин Велковски	десен бек	0	6
8	Цветан Кузманоски	лево крило	0	5
9	Игор Ѓоргиев	централен бек	0	0
11	Филип Талески	лев бек	1	1
12	Мартин Томовски	голман	0	0
13	Филип Миркуловски	Среден бек	0	2
14	Кристијан Симоноски	пивот	0	0
18	Филип Кузмановски	лев бек	0	3
19	Ненад Костески	десно крило	0	1
22	Гоце Георгиевски	десно крило	0	1
25	Горан Крстевски	централен бек	0	0
33	Жарко Пешевски	пивот	0	2
66	Бојан Маџовски	лево крило	0	0
77	Мартин Серафимов	десен бек	0	3
97	Марко Мишевски	лев бек	1	0
	Вкупно		2	24

ЦРНА ГОРА

#	Играч	Позиција	Исклучување	Голови
1	Никола Матовиќ	голман	0	0
2	Филип Вујовиќ	лево крило	1	0
8	Вук Лазовиќ	пивот	1	0
9	Радојица Чепиќ	централен бек	0	1
11	Бранко Вујовиќ	десен бек	0	4
13	Мирко Радовиќ	десен бек	0	2
14	Милош Вујовиќ	лево крило	0	6
16	Небојша Симиќ	голман	0	0
17	Василије Калуѓеровиќ	лев бек	0	0
18	Небојша Симовиќ	пивот	0	0
21	Васко Шеваљевиќ	лев бек	1	5
23	Божидар Симиќ	централен бек	0	0
25	Марко Ласица	десно крило	0	2
26	Ристо Вујачиќ	десен бек	1	0
32	Божо Анѓелиќ	централен бек	1	6
90	Немања Грбовиќ	пивот	0	2
	Вкупно		5	28

ЕП 2022, ГРУПА А – ТАБЕЛА