Поранешниот ракометар на Прилеп и Пелистер, Теимураз Орјоникидзе, потпиша за финскиот Кокс. Грузискиот лев бек откако замина од Македонија беше дел од унгарскиот Ференцварош и романската Решица, а сега му стана соиграч на македонскиот голман Јоаким Анѓеловски.
Левиот бек на Црна Гора и на францускот Брест Бретањ, Ѓурѓина Јауковиќ, ја продолжи соработка со клубот. Таа во моментов се рехабилитира по операцијата на скинати лигаменти, а се обврза на нова љубов до 2024 година.
Левиот бек на Лемго и репрезентацијата на Шведска, Џонатан Карлсбогард, од летото 2023 би можел да стане замена во Кил за Норвежанецот Сандер Сагосен. Тој има договор на уште една сезона со Лемго.
Еден од најдобрите млади ракометари во Шведска, Исак Персон, потпиша договор со бундеслигашот Бергишер. 21-годишното десно крило беше на радарот и на Веспрем, но сепак унгарскиот тим го ангажираше Вајлупов, па Персон се реши да се пресели во Германија, каде треба да остане до 2025 година.
