Ракометната федерација на Македонија ја исплати ветената премија за женската кадетска репрезентација што го освои златниот медал на ЕХФ шампионатот во Литванија.
Покрај нив, ветената премија ја доби и најдобриот судиски пар, Ѓорѓи Начевски и Славе Николов.
„По претходно донесена одлука на Управниот Одбор, денес Ракометната Федерација на Македонија ја исплати паричната награда во вкупна вредност од 700.000 денари за женската кадетска ракометна репрезентација и членовите на стручниот штаб за освојување на прво место на EHF Championship W17 Lithuania 2021, како и за обезбедување пласман на W17 EHF EURO 2023, W19 EHF EURO 2023 и обезбедено учество на WU18 WCH 2022 во Грузија. Дополнително, согласно донесена одлука на Управниот Одбор, Ракометна Федерација на Македонија ја исплати и паричната награда на EHF и IHF судискиот пар Ѓорѓи Начевски и Славе Николов во износ од 1000 Евра поединечно за учество на финалната арбитража на Олимпискиот Турнир во Токио“, се вели во соопштението на РФМ.
ПОВРЗАНИ ВЕСТИ
