На натпреварите од Лигата на Европа што се играа во првиот вечерен термин, фаворитите остварија победи со исклучок на Фуксе Берлин кој испушти победа кај Динамо Букурешт и освои само бод.
Бундеслигашот имаше постојано водство и контрола на натпреварот но во финишот дозволи противникот на израмни на 26:26 што беше конечен резултат. После првото полувреме Фуксе Берлин имаше предност 14:12, но со максимална борбеност домашниот тим стигна до бод против фаворитот.
ГОГ славеше против Татабања со 32:35 и му го нанесе третиот пораз на унгарскиот тим кој останува на последната позиција без бодови. Натпреварот беше многу неизвесен, по 30 минути Татабања имаше минимално водство од 16:17. И второто полувреме беше максимално изедначено со менување на водството, а клучни за победата беа завршните минути кога ГОГ ја обезбеди победаата.
Алингсас беше немоќен на домашен терен против Монпелје, гостите од Франција славеа 25:33, а победата ја обезбедија уште на полувремето кога имаа водство од 13:19. Во продолжението Монпелје рутински одигра за нова победа и задржување на максималниот ефект.
Адемар Леон продолжува во групата А без пораз откако триумфираше против Фајверс со 30:28. Австрискиот тим имаше само еден период во првиот дел подобро издание, а во продолжението доминираше Адемар. На полувреме беше 13:10, а во вториот дел целосна контрола имаше домашниот тим и стигна до нова победа со која проби на врвот на табелата.
ЦСКА Москва имаше лесна задача на гостувањето кај Бешикташ и славеше лесна победа 23:35. Уште по првиот дел гостите имаа убедливо водство од 11:17 и практично ја обезбедија победата.
ЛИГА НА ЕВРОПА 6. КОЛО РЕЗУЛТАТИ
ГРУПА А
ВИСЛА ПЛОЦК – ТУЛУЗ 20:45ч.
АДЕМАР ЛЕОН – ФАЈВЕРС 30:28 (13:10)
ЧЕХОВСКИ МЕДВЕДИ – МЕТАЛУРГ одложено
ГРУПА Б
ДИНАМО БУКУРЕШТ – ФУКСЕ БЕРЛИН 26:26 (12:14)
ТАТРАН ПРЕШОВ – КРИСТИЈАНШТАД 20:45ч.
НИМ – СПОРТИНГ 20:45ч.
ГРУПА Ц
АЛИНГСАС – МОНПЕЛЈЕ 25:33 (13:19)
БЕШИКТАШ – ЦСКА МОСКВА 23:35 (11:17)
МАГДЕБУРГ – НЕКСЕ 20:45ч.
ГРУПА Д
ТАТАБАЊА – ГОГ 32:35 (16:17)
ЕУРОФАРМ ПЕЛИСТЕР – ТРИМО ТРЕБЊЕ 20:45ч.
КАДЕТЕН – РАЈН НЕКАР одложено
ПОВРЗАНИ ВЕСТИ
