Момците од КЛ 7 први ги завршија есенскиот обврски, финишираа со убедлива победа

Екипата на КЛ 7 дојде до победа од 38:22 против составот на Астраион и на тој начин со три бода го заврши есенскиот дел од сезоната.

Кој ќе дојде до победа на овој дуел беше јасно после само десетина минути. Домашните тргнаа силно во средбата. Брзо поведоа со 4:0 и овие четири гола лесно ги зголемија бидејќи на средината на првото полувреме имаа дури 12:2.

После ова веќе немаше ниту потреба да се форсира. Гостите кои во текот на сезоната останаа без дел од ракометарите не можеа да парираат, па како одминуваше времето стануваше јасно дека ова ќе биде висока победа за домашната екипа.

На крајот од првите 30 минути резултатот беше 21:9 за КЛ 7, па можеше мирно да се продолжи и да се одигра до крајот на натпреварот.

Високите 12 гола обезбедени во првото полувреме беа уште повеќе зголемени во продолжението од средбата. Составот на КЛ 7 одигра одлично и имаше целосна контрола до крајот од натпреварот.

Немаше потреба да се форсира дополнително, па овие 12 гола беа зголемени до 16 за конечни 38:22 со што КЛ 7 победнички ја затвори есенската полусезона, додека Астраион има уште еден натпревар в среда против Охрид.