Интернационалката од Македонија која игра за тимот на Кобиржице во Полска, Зорица Десподовска втор месец по ред беше во трка за играч на месецот, а овој пат доби убедливо најмногу гласови.
Десподовска е играч на ноември во Супер лигата на Полска откако имаше и убедливо најмногу номинации oд сите во лигата.
При гласањето на Фејсбук страницата на Супер лигата на Полска, таа доби над 400 гласови додека другите две ракометарки Беата Ковалчук и Каролина Кочанијак заедно имаа 350 гласови.
На тој начин победата на Десподовска беше убедлива што е само награда и признание за игрите кои ги прикажуваше во досегашниот дел од сезоната.
Ова беше полусезона во која Десподовска доминираше не само во тимот на Кобиржице туку и во Супер лигата, па ова признание за ракометарка на ноември е на вистинското место и сосема заслужено.
