По се изгледа работите тргнаа на подобро во екипата на Бенфика. Иако беше најавено штедење за следната сезона, неиграње во Европа, намалување на буџетот за половина…сепак португалските медиуми пишуваат дека работата е стабилизирана.
„Рекорд“ и „О жого“ потврдија дека Бенфика се пријави за настап во Лигата на Европа, а веројатно ќе добие место во групната фаза, додека Спортинг Лисабон и Белененсес ќе играат квалификации.
Бенфика го потврди и првото засилување за новата сезона. Станува збор за голманот кој доаѓа од Ла Риоха, Сергеј Ернандез, додека иако одамна се најавени, не се промовирани уште петмина играчи и тренерот Чема Родригез.
Тоа се Лазар Кукиќ, Оле Рамел, Мамаду Кеита, Матиц Сухолежник, како и Ловро Јотиќ, кој е предмет на интерес на Вардар.
