Норвешкиот репрезентативец Сандер Сагосен мораше да се врати во Париз да го одработи последниот месец од договорот со ПСЖ.
Дури од 1 јули, Сагосен ќе биде слободен да замине во Германија и да започне со тренинзи со Кил.
Раководството на францускиот тим му дало ултиматум на Сагосен – дека ако не се врати во Париз нема да ги добие преостанатите плати и бонуси.
„Морав да се вратам во Париз да го одработам договорот до крај – тоа беше единствен начин за да ги земам сите плати и бонуси. Ние се уште не можеме да тренираме ракомет, се гледаме само три пати неделно за физички активности. Зошто е сето тоа така – навистина не разбирам и тоа многу ме нервира“, вели Сагосен за ТВ2.
Тој со ПСЖ обезбеди место на завршниот турнир во Лигата на шампионите, но таму ќе игра со новиот клуб Кил.
ПОВРЗАНИ ВЕСТИ
