Ракометарите на Металург РА се вратија како победници од гостувањето кај екипата на Јехона, која ја совладаа со резултат 28:36. Ова беше натпревар од третото коло на плејоф-фазата во Првата лига, а тимот од Автокоманда ја забележа првата победа.
Во првото полувреме се водеше голема и израмнета борба. Почетокот му припадна на домаќинот, но средината и крајот на Металург РА, кој по првите 30 минути создаде предност од два гола, 10:12.
Рамноправно се играше и во првите десетина минути од продолжението, се до резултат 15:15, а потоа гостите заиграа многу поангажирано и тоа брзо даде резултат. Тие веднаш направија разлика, која до крајот на средбата и не ја испуштија.
Најдобар стрелец кај победникот беше Фидановски кој постигна 11 гола, додека кај Јехона се истакна Тасески со 13 погодоци.
ПОВРЗАНИ ВЕСТИ
