Ракометарите на Вардар после победите против Мешков Брест, Еурофарм Пелистер и Алборг, го додадоа и Бутел Скопје на списокот откако денеска го совладаа како гости со 34:27.
Кој ќе победи на овој дуел беше јасно многу рано бидејќи после краткиот период во кој домашните парираа следуваше резултатско одвојување во кое тимот на Вардар созададе предност за мирно продолжение на натпреварот.
Клучните моменти дојдоа при водство на Вардар од 8:7. Тука следуваа неколку минути во кои домашните не можеа да најдат пат кон голот на Томовски. Со пет гола во серија вардарци стигнаа до 13:7 и на тој начин се изборија за плус шест, разлика која им даваше сигурност и можност за мирно продолжение на натпреварот.
Оваа разлика остана до крајот на првиот дел, а во овие 30 минути беа постигнати вкупно 32 гола (13:19).
Второто полувреме мина главно во израмнета игра. Гостите не форсираа туку ја чуваа предноста и како само да го очекуваа крајот од натпреварот за да дојдат до новите три бода. Во ниту еден момент не беше загрозена победата и прашањето беше само кој ќе биде конечниот резултат.
Предноста на Вардар беше доволно висока да може да се одигра мирно до крај така што на крајот немаше никакво изненадување, а ракометарите на Бутел Скопје заслужија пофалби за борбеноста. Сепак, Вардар беше тимот кој знаеше да го контролира резултатот и да дојде до заслужени бодови.
СУПЕР МАШКА ЛИГА – ТАБЕЛА