Четири клуба добија засилувања пред плеј-офот во Лигата на шампионите

Четири клубови добија засилувања во пресрет на плеј-офот во женската Лига на шампионите. Пет ракометарки успешно ги променија клубовите и ги завршија регистрациите, потврдија од ЕХФ.

Три ракометарки го напуштија Ростов Дон и се преселија во три различни клубови, Грас Заади, Беатрис Едвиж и Татјана Брновиќ. Олимписката шампионка Заади се врати во клубот кој одигра клучна улога во нејзината кариера, француски Мец.

Едвиж ќе се врати во Унгарија по заминувањето од Ѓер на крајот од минатата сезона, сега ќе се приклучи на ФТЦ Реил Карго.

Со оглед на тоа што ФТЦ ќе се соочи со Крим Меркатор во плеј-офот, Едвиж ќе се сретне со Брновиќ, бидејќи Црногорката премина во Крим. Крим доби и уште едно засилување и тоа големо, Ана Грос од ЦСКА Москва се врати во Словенија во домашното првенство каде што ја започна кариерата.

Последно, но не и помалку важно е преминувањето на Џени Карлос во редовите на Брест Бретањ од Холстебро од Данска.