Селекторот на машката репрезентација на Црна Гора, Зоран Рогановиќ, го објави скратениот список со 16 репрезентативци за квалификацискиот натпревар против Шведска за пласман на Европското првенство 2022 година во Унгарија и Словачка.
Поради ситуацијата со ковид-19, Шведска не допатува во Црна Гора на 9 јануари, а раководството не ЕХФ одлучи овој натпревар да се игра во нов термин, 9 март 2021 година.
Селекторот на Црна Гора за овој квалификациски натпревар ќе може да смета и на ракометарот од Еурофарм Пелистер, Мирко Радовиќ и новиот ракометар во Вардар, Васко Шеваљевиќ.
Црногорците ќе се соберат на 8 март и практично со еден тренинг, ќе играат со светскиот вицепрвак следниот ден.
ПОВРЗАНИ ВЕСТИ
