На едно коло пред крајот во словенечкиот шампионат, екипата на Целје направи недостижна разлика во однос на второпласираната екипа, Тримо Требње, и ја освои титулата во годинешната сезона.
Целје го држи рекордот во Словенија по бројот на освоени титули. За поранешниот учесник во Лигата на шампионите, освоената титула е 25-та во својата клупска историја. На второто место се наоѓа Горење Велење со вкупно пет титули, а по една освоена титула имаат екипите на Пруле и Копер.
Шампионот од минатата сезона, Горење Велење, заврши на 3 место, додека екипата на Тримо Требње, во која настапуваат ракометарите од Македонија, Тоше Ончев и Милан Лазаревски, ја освои втората позиција на табелата.
Во последното коло, поголемиот дел од натпреварите нема да имаат резултатско значење. Неизвесно ќе биде само кои екипи ќе завршат на 4 и 5, односно 6 и 7 место. За споменатите позиции, во игра се екипите на Рибница, Лока, Копер и Градец.
ПОВРЗАНИ ВЕСТИ
